Pinag-aaralan ng OWWA ang pagpapa-renew ng lisensya sa pagmamaneho para sa mga OFW sa ibang bansa

Ito ang isa sa mga pangarap ng Overseas Workers Welfare Administration (OWWA). Kamakailan lang, sinimulan na nila ang pilot testing ng pag-renew ng driver's license para sa mga OFW sa Taiwan.

Ang mga kababayan natin sa Taiwan ay may pagkakataon na ma-renew ang kanilang driver's license gamit ang eGovPH app. Layunin ng app na ito na gawing mas madali at mabilis ang mga transaksyon sa pagitan ng gobyerno ng Pilipinas at ng mga mamamayan nito.

"Kasalukuyang nasa pilot testing na ang renewal ng Driver’s License sa eGovPH app para sa ating mga kababayan sa Taiwan. Sa pamamagitan ng app na ito, mas pinadali at pinabilis ang proseso ng renewal kahit na nasa malayo ka," sabi ng OWWA sa kanilang Facebook post.

Ang eGovPH app ay mayroong "single sign-on" na tampok, na nagbibigay ng madaling access sa iba't ibang account sa mga ahensya ng gobyerno, tulad ng PhilHealth, GSIS, at SSS.

Pero ang malaking tanong ay, paano naman ang ibang bansa? Isang netizen ang nagkomento sa post, "Puwede na po ba mag-renew ng driver's license ang nandito sa Saudi Arabia?"

Agad namang sumagot ang OWWA sa katanungan ng netizen, sinasabi na ang pilot testing ng tampok na pag-renew ng lisensya ay para lang sa mga OFW sa Taiwan. "Pero huwag kang mag-alala, Kabayan, dahil tiyak na marami pang bansa ang makaka-access ng feature na ito sa eGovPH app," paniniguro ng OWWA.

_________________

𝟯𝟬𝟬,𝟬𝟬𝟬𝘁𝗵 𝗢𝗙𝗪 𝗦𝗲𝗿𝘃𝗲𝗱 𝗮𝗻𝗱 𝗖𝗼𝘂𝗻𝘁𝗶𝗻𝗴! 🎉✈️

Ngayong araw, binigyan natin ng munting sorpresa at recognition ang isa nating Kababayan na pang-300,000 na bumisita sa ating OFW Lounge sa NAIA Terminal 3! 🎊

Sino ang mag-aakala na ang dating pangarap lang ni Admin Arnell at ng ilang Kababayan natin ay magiging isang realidad na ngayon ay nagseserbisyo na sa 300,000 OFWs—and counting! 🙌

Mula sa maliit na pangarap, ngayon ay patuloy na lumalawak at tumitibay ang ating serbisyong alay para sa bawat OFW. Ito ay para sa inyong mga bayani ng ating bayan! 🥹🫶

To more OFWs na pagsisilbihan at aalagaan natin! 💙 Para sa inyo ito, Kabayan! 

All the picture credit from the OWWA FB Account